ДЭМБ-ын судалгаагаар 2014-2015 оны өвөл, хаврын улирал influenza A төрлийн хоёр вирус,  influenza В төрлийн нэг вирусийн идэвхгүй холимогийг агуулдаг вирус буюу ханиад дэлгэрнэ хэмээн урьдчилан тооцоолжээ. Тиймээс ДЭМБ-аас өөрийн гишүүн улсууддаа “Vaxigrip” вакциныг нийлүүлж эхэлжээ. Энэ вакциныг хийлгэснээр 14 хоногийн дотор бүрэн дархлаа тогтож бүтэн жилийн турш ханиад хүрэхгүй байх, хүрлээч хөнгөн хэлбэрээр тусдаг байна. Уг вакциныг насанд хүрсэн хүмүүс төдийгүй зургаан сартай хүүхэд ч хийлгэж болох бөгөөд гол нь өндөг, тахианы махны харшилгүй байх ёстой гэнэ. Хэрвээ та “Vaxigrip” вакциныг хийлгүүлэхийг хүсвэл өөрийн харьяа эрүүл мэндийн нэгдэл дээр очин 33.000 төгрөг төлөөд хийлгүүлж болох ажээ.

Ж.Гарьд