Элсэлтийн ерөнхий шалгалт зургадугаар сарын 14 буюу ирэх лхагва гарагт эхэлнэ.Ингэхдээ монгол хэл бичгийн шалгалтаар эхэлж, зургадугаар сарын 18-нд нийгмийн тухай мэдлэг, физик, орос хэлний шалгалт өгөх аж.

Харин зургадугаар сарын 19-нөөс шалгалтын материал засах ажил эхлэх бол долдугаар сарын 1-н гэхэд Боловсролын үнэлгээний төвийн eec.mn вэб сайтад бүх оноог байршуулж, сургуулиа сонгон элсэх боломжоор хангах юм.

Шалгуулагч шалгалтын байранд шалгалт эхлэхээс 1 цагийн өмнө ирсэн байх шаардлагатай бөгөөд шалгалт өгөх анги, танхимд 10 минутын өмнө суудлаа эзэлсэн байна. Дурдсан хугацаанаас хожимдсон шалгуулагчийг шалгалтад оруулахгүй. 

Та шалгалтад орохдоо дараах материалуудыг бүрдүүлэх шаардлагатай. Үүнд:

1. Бүртгэлийн хуудас / Баталгаажуулсан байх/
2. Суудлын хуваарь 
3. Бүрэн дунд боловсролын үнэмлэх, түүнээс дээш боловсролын баримт бичиг
4. Иргэний үнэмлэх эсвэл түүнтэй адилтгах баримт бичиг