УДЭТ-ын хамт олон 84 дэх жилийн үзвэрийн нээлтээ сүртэй хийж, ахмад уран бүтээлчид их зохиолч Д.Нацагдоржийн хөшөөнд цэцэг өргөж хүндэтгэл үзүүлэв.

Ёслолын үйл ажиллагааг нээж, театрын ерөнхий захирал урлагийн гавьяат зүтгэлтэн Д.Цэрэнсамбуу үг хэлж, гавьяат жүжигчин З.Жарантав их найрагчийн "Миний нутаг" шүлгийг уншин  цугласан олны сэтгэлийг баясгасан. 

Театрын өмнөх талбайд морьтон баатрууд үзүүлбэр үзүүлэн тоглож, “Тэнгэрийн хүү” жүжгийн дууг дуулсан гээд тэнд үзэгчдийн сонирхол татах, бас нүд хужирлах олон зүйлээр театрынхан сюрприз барив.

                                                                                               Г.Золзаяа