Томоохон зах, худалдааны төвүүдийг энэ оны зургадугаар сараас эхлэн НӨАТ-ын баримт олгодог болгохоор ажиллаж байгаа талаар Татварын ерөнхий газар (ТЕГ)-аас мэдээлсэн. Баримт хэвлэгч машин өндөр үнэтэй тул зах дээр ажиллаж буй иргэд худалдан авахад хүндрэлтэй байгаа учир зээлээр олгох боломжийг бүрдүүлэхээр ТЕГ-аас НЗДТГ, НМХГ болон арилжааны банкууд, баримт хэвлэх машин борлуулж буй аж ахуйн нэгжүүдтэй хамтран төлөвлөгөө боловсруулан ажиллаж буй юм. 

Гэвч энэ сард захын худалдагчдыг баримт хэвлэгч машинтай болгох ажил гүйцэтгэл муутай байгаа учраас ирэх долдугаар сараас эхлэн худалдааны төв, захуудыг НӨАТ-ын баримт хэвлэгч машинтай болохыг шаардаж байгаа аж.