Олон улсын хүүхдийн эрхийг хамгаалах өдөр нийслэлд нийт 282 хүүхэд аав ээж, асран хамгаалагчдаасаа төөрчээ. Цагдаагийн алба хаагчид төөрсөн хүүхдүүдийг бүртгэлд авч, эцэг эх, асран хамгаалагчид нь хүлээлгэн өгсөн байна. 

Хүүхдүүд аав ээж, ах эгчээсээ төөрч ихэд цочирдон балмагдсан байсан бөгөөд баяр ёслол, олон нийтийг хамарсан арга хэмжээний үеэр бага насны хүүхдэд тавих хараа хяналтаа сайжруулахыг Цагдаагийн байгууллагаас анхааруулж байна.