Ахуйн газ үнэртсэний улмаас хүүхдүүд амь нас, эрүүл мэндээрээ хохирох тохиолдол гарсаар байгааг цагдаагийн байгууллагаас сэрэмжлүүлж байна. Тухайлбал, өнгөрсөн ням гарагт Баянзүрх дүүргийн тавдугаар хороонд 15 настай хоёр хүүхэд газ үнэрлэж нэг нь газар дээрээ амиа алдсан харамсалтай хэрэг гарчээ. Харин нөгөө хүүхэд нь ГССҮТ-д эмчлүүлж байгаа аж. Энэхүү хэргийг тус дүүргийн цагдаагийн хоёрдугаар хэлтэст шалгаж байна.