Зам, тээврийн хөгжлийн яамны "Нээлттэй хаалганы өдөрлөг" өнөөдөр Чингисийн талбайд үргэлжилж байна. Энэхүү өдөрлөгийн үеэр хугацаа нь дууссан жолооны үнэмлэх сунгах үйлчилгээг үнэ төлбөргүй үзүүлж байна. Тодруулбал, 2008 оноос өмнө автомашин жолоодох эрхээ авсан жолооч нар үнэмлэхээ таван жилийн хугацаатай үнэ төлбөргүй газар дээрээс нь авах боломжтой аж. Харин 2008 оноос хойш  ангилал авсан жолоочид мэргэшсэн жолооч бэлтгэх, мэргэжил дээшлүүлэх 21 хоногийн сургалтад хамрагдах юм. Ингэснээр жилийн хугацаанд үнэмлэх гаргуулах боломжтой юм.