Чингэлтэй дүүргийн XV хорооны чанх ард байрлах таван давхар барилга дээрээс хүн унаж, амиа алдсан хэрэг гарчээ. Тодруулбал, “Буянт-Ас” компанийн мужаан, 40 настай Д арматурын бэхэлгээ хийх явцдаа халтирч унаж гэмтсэн байна. Түүнийг компанийн захирал нь эмнэлэг рүү хүргэх замд амьсгал хураажээ. Тэрбээр тус компанийн үндсэн ажилтан байсан бөгөөд эхнэр, гурван хүүхдийн хамт айлын хашаанд гэрт амьдардаг байжээ.