Өмнөговь аймгийн Ханбогд суманд хоёрдугаар ангийн сурагч сургуулийнхаа хашаанд сүлбэгдэж амь насаа алдсан онц ноцтой хэрэг гарчээ. Тодруулбал, талийгаач хүү Ханбогд сумын ерөнхий боловсролын сургуулийн хоёрдугаар ангид сурдаг бөгөөд хэрэг гардаг өдөр хичээлээ тараад сургуулийнхаа хашаанд тоглож байжээ. Улмаар хашаа давах гэж байгаад гэмтэж, эмнэлгийн тусламж авч чадалгүй амь насаа алджээ. Энэхүү хэргийг Өмнөговь аймгийн цагдаагийн газарт эрүүгийн хэрэг үүсгэн шалгаж эхэлсэн бөгөөд талийгаач хүүг хашаа давах гэж байхад хамт тоглож байсан хүүхэд нь түлхсэнээс болж амь насаа алдсан байж болзошгүй гэж үзэж байгаа аж.